🎉🧡🎊خاص- اليوم 3 آذار: عيد موقعنا Check Lebanon … كمّل دزينة سنينه💞💖💝!

دزينة سنين… وكل سنة عن سنة أصدق!
12سنة… وبعدنا هون!
12 سنة.. عيدنا بلا ضجيج!
12 سنة… وبعد في امل!

في 3 آذار 2014 وُلد موقع “Check Lebanon” وحمل اسم وطن.. وكان شعاره Your right to check right، إعلاناً لحق الرأي العام بأن “يشيّك صحّ”.. في الموقع “الصح”.

12 سنة تعب، مواكبة، قرار بالصمود وإيمان إنه الكلمة بعدها قادرة تعمل فرق…حتى لو نحنا عايشين ببلد أوقات ما بيعمل فرق.

كنّا بدنا نحتفل أكتر… كنّا بدنا نطلق “Check TV” بهالشهر ونكبّر الحلم سوا…بس الظروف إلها رأي تاني، ومنأجّل على أمل نرجع أقوى.

عيد هالسنة مش كامل…فيه وجع، فيه قهر مكتوم، فيه سؤال كبير عن بكرا… ومين اللي بقرّر عنّا “هالبكرا”…

رح نضلنا ملتزمين بمصداقيتنا، بحيادنا، وبهدوءنا…
من دون شعارات كبيرة، لأن الحقيقة ما بدها بهرجة.. ولا زينة.

يمكن اليوم العيد فيه غصّة… بس رح نضل نشتغل كأنو الفرح قريب، وإنه تعبنا ما راح عالفاضي…وإنه العيد، مهما تأخّر، بيرجع عيد.