مشادة كلامية بين نادين نسيب نجيم وديمة صادق بسبب “زبّال”!
شهد موقع “تويتر” حرباً كلامية بين اللبنانيتين الفنانة نادين نسيب نجيم والإعلامية ديمة صادق، بسبب وصف الأولى أحد المغرّدين بكلمة “زبّال”.
وقالت صادق: “ولو؟ ولو؟! ممثلة لبنانية بتستعمل مهنة “الزبّال” كشتيمة؟! شيء مخزٍ جداً انه يكون مستوى الوعي والإنسانية والشعور والثقافة متدنياً لهذه الدرجة عند اشخاص بأثروا بملايين المعجبين. طبعاً من المسلمات انه ما في شي مهين بأي مهنة، المهين للجنس البشري انه يكون في ناس يفكروا بهالطريقة”.
وردّت نجيم: “حبيبتي ديما إنت معودة على المسبات والشتايم بتحسّي حالك عندك قيمة أنا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع. والزبّال هو يلي بكب وسخه وين ما كان ونفسيته وسخة. يلي بنظف ما اسمه زبال وما بعيطله زبال لانه بكون عم بجرحه هيك علموني بالمدرسة”.
حبيبتي ديما انت معودة على المسبات و الشتايم بتحسّي حالك عندك قيمة انا ما معودة راسي ما بيحملني هيك اتربيت خاصة اذا حدا اتطاول عليي بشكل كتير بشع . والزبّال هو يلي بكب وسخه وين ما كان و نفسيته وسخة . يلي بنظف ما اسمه زبال و ما بعيطله زبال لانه بكون عم بجرحه هيك علموني بالمدرسة. https://t.co/1tnJIIOGba
— Nadine Nassib Njeim 🏆 (@nadinenjeim) February 22, 2023
وعادت صادق إلى التعليق مجدداً: “نادين انا لما اختار رد عادة بختار مستوى معين من الناس بيستاهلو الرد. عندي مستوى معين ما بنزل عنه. انا الناس اللي بتفتكر انه كلمة ومهنة زبال هي كلمة مهينة فهول ناس أكيد ما بنزل لمستوى الرد عليهن لسبب: انه حتى لو رديت مستواهم الفكري والثقافي ما بخولهم يفهمو الجواب، متل ما واضح من ردك”.
وأضافت: “فلهيك ما تتعبي حالك وتردي ع هل تويت لاني ما حرد، وفري ع حالك هالاحراج، احسن ما يقولو “ما تعبت حالها تنزل لمستواها وترد عليها”.
نادين ،انا لما اختار رد عادة بختار مستوى معين من الناس بيستاهلو الرد.عندي مستوى معين ما بنزل عنه.انا الناس اللي بتفتكر انه كلمة ومهنة زبال هي كلمة مهينة فهول ناس اكيد ما بنزل لمستوى الرد عليهن لسبب:انه حتى لو رديت مستواهم الفكري والثقافي ما بخولهم يفهمو الجواب،متل ما واضح من ردك. https://t.co/UjGXOEu1cV
— Dima ديما صادق (@DimaSadek) February 22, 2023
النهار العربي
