ديما صادق لبري: “في 82 أنقذ وليد جنبلاط بيروت… الآن الجنوب يحتاجك فهل ستنقذه؟!
إلى الرئيس نبيه بري:
جبل عامل عم يتدمر ، حضارة بكاملها عم تنمحي، في حكي انه قلعة شقيف تدمرت، وينك ساكت ؟
ليه ساكت من شهرين ؟
أبداً ما عم قول هالشي من باب خصومة او تعليم، هلق أبدا مش وقت خلافات الوقت وقت إنقاذ ، و إذا في حدا ممكن يكون منقذ بهل لحظة فهو انت،
انت اللي فيك توفق بين الدولة و الطائفة الشيعية و الحزب ، في لحظة تاريخيّة انت اكثر من يمكن ان يساعد فيها.
بال ٨٢ لما دمرت بيروت وقف وليد جنبلاط مع كل انحيازه للقضية الفلسطينية ، وقف وقفة تاريخيّة وقال لياسر عرفات هذه بيروت تدمر أمامنا لمصلحة من هذا ؟ طلب جنبلاط من عرفات مغادرة بيروت و أنقذ احدى أهم العواصم العربية من الابادة.
الرئيس نبيه بري الجنوب بحاجة لموقف تاريخي منك قبل أن يصبح جبل عامل ذكرى من التاريخ ، فياريت تستجيب و تلبي النداء.
