ديما صادق لعلي برو: شوف وين في صواريخ للحزب ونيم الاطفال البريئين فوقهن كما تفضلت!
المقاوم الحسيني صاحب الكرامة والعزة اللي ما بتخلص ، العزيز علي برو ،
امام أزمة شح المنازل والمآوي في كل لبنان نتيجة أزمة النزوح الكاسحة في كل المناطق اللبنانية، قلت اقترح عليك حل للمساعدة لإيجاد مأوى للعيل والأطفال اللي كل شوي بتحمسهن انهن ينامو فوق الصواريخ : شوف وين في صواريخ للحزب، وهي والحمدالله كثيرة ومنتشرة في كل المناطق اللبنانية، ونيّم هالاطفال البريئين فوقهن كما تفضلت حضرتك وتفاخرت بالفيديو الأخير لك. هيك بتأمن المأوى و الكرامة بنفس الوقت الهن.
هيدا الحل اللي حضرتك اقترحته على بيئتك و أطفالها موجود والحمدالله، اقترحه عليهن و على اهلهن وسمعنا الرد. والله قول لكل ام تشوف وين في صاروخ للحزب و تنيّم ولادها حده، متل ما تفضلت وتفاخرت، و فرحينا النتيجة.
أما حلنا نحنا، اللبنانيون اللي مع الدولة اللبنانية ، فهو اننا نحاول بكل شي فينا نأمن مأوى آمن وسالم لكل طفل و ام وأب لأهلنا بالجنوب و الضاحية والبقاع و ندعي ربنا انه يحميهن من كل شر و ندعي كل صاحب بيت، أوضة ، قرنة ، اي ركن فاضي انه يستقبلهن و يحطهن بقلبه من جوا . الهي يا رب تحمي كل أهالي الجنوب والبقاع و الضاحية و كل لبنان و تخرجن من هالازمة سالمين .
