ليش يا شعبي ما بتفيق…؟
ليش نايم يا شعبي فيق…..خلص حالك من هالضيق
موجوع صرلك سنين… تخلى عنك كل رفيق
عاشو بنعيمك اعوام.. ونسيوك بسرعه اوام
نسيو انك ما بتموت… متل طائر الفنيق
اربعين سنه حروبات وجوع وتعتير وخنيق
“أرطة حراميه ببدلات نهبوا الثروه والصناديق
ومن بعدن اجوا الولاد وورتوا السلطه والبلاد
والشعب معتر يا حرام نازل صفير وتصفيق
ليش يا شعبي ما بتفيق.. متل النايم بالبريق
ماتو ولادك على البور..راحو حريق وغريق
تطلع شوف شو صار.. بلادك شعلت فيها النار
والزعيم متل المنشار.. عمبيخزق فيك تخزيق
لا بد توعى شي نهار..وتصرخ وتشهق شهيق
بكون كل شي منك طار.. بتطلب لجان التحقيق
بتسأل وين البلد صار.. ما إلك مأوى ولا دار
وعموسم الانتخابات.. السياسي بيرجع صديق
فيق… ليش يا شعبي ما بتفيق….
عماد نون
(صرخة سائق تاكسي … حائز على شهادات… مخباية بالخزانات)
